Хүүхэд бүрийн эрүүл өсөлтийг баталгаажуулах цахим шийдлээр эх, хүүхдийн эрүүл мэндийн үйлчилгээг илүү хүртээмжтэй болгожээ. Монгол Улсад эх, хүүхдийн эрүүл мэндийг хамгаалах, хүүхдийн эрхийг хангах чиглэлд цахим технологид суурилсан чухал шинэчлэл хэрэгжиж байна. НҮБ-ын Хүүхдийн Сан (UNICEF), Монгол Улсын Засгийн газар болон холбогдох яамд хамтран Эх, хүүхдийн эрүүл мэндийн дэвтрийг цахимжуулах ажлыг 2024 оны 11-р сард амжилттай хэрэгжүүлжээ.
20 гаруй жилийн хамтын ажиллагааны үр дүнд 2018 оноос төрсөн хүүхэд бүрийг бүртгэх нэгдсэн систем бүрдсэн бөгөөд цахим дэвтэр нь хүүхдийн өсөлт, хөгжил, дархлаажуулалт, эмчийн хяналтыг нэг дор бүртгэх боломж олгож, E-Mongolia системд байршуулснаар эцэг эхчүүд хялбар ашиглах боломжтой болсон байна. Мэргэжилтнүүдийн үзэж байгаагаар шинэчлэл нь хүүхдийн дархлаажуулалт, эрт илрүүлэг, урьдчилан сэргийлэх үйлчилгээнд дэмжлэг болж, таван хүртэлх насны хүүхдийн эндэгдлийг бууруулахад хувь нэмэр оруулж байна.
Эх сурвалж: Цахим хөгжлийн дэвшлийг ашиглан эх, хүүхдийн эрүүл мэндийг дэмжиж байна. | UNICEF Монгол
Сэтгэгдэл ачаалж байна...