ДАШТ-ий мөнгө, хүрэл медальт, Монгол Улсын гавьяат тамирчин Т.Тулга өөрийн төгссөн СХД-ийн 104 дүгээр сургуульд чөлөөт бөхийн дэвжээ бэлэглэлээ.
Тэрбээр ирээдүйн тамирчдыг дэмжих, хүүхэд залуусыг спортоор хичээллэх орчныг сайжруулах зорилгоор энэхүү санаачилгыг хэрэгжүүлсэн байна. Шинэ дэвжээтэй болсноор тус сургуулийн сурагчид чөлөөт бөхөөр мэргэжлийн түвшинд бэлтгэл сургуулилалт хийх боломж бүрдэж байгаа юм.
Т.Тулга дэвжээг гардуулах үеэрээ “Би энэ сургуулиас тамирчны гараагаа эхэлж байсан. Тиймээс дараагийн үеийн хүүхдүүдэд илүү боломж, илүү орчин бүрдээсэй гэж хүссэн” хэмээн онцоллоо.
Сургуулийн удирдлага, багш нар энэхүү дэмжлэгийг өндөрөөр үнэлж, сурагчдын спортын амжилтад бодит хувь нэмэр оруулж буйд талархал илэрхийлэв.
Ийнхүү нэрт тамирчны санаачилга нь өсвөр үеийнхнийг спортоор хичээллэх сонирхлыг нэмэгдүүлэх, ирээдүйн аваргуудыг төрүүлэхэд чухал түлхэц болно гэж үзэж байна.
Сэтгэгдэл ачаалж байна...