Pew Research Center-ийн судалгаанаас үзэхэд, гэр бүл зохиож, амьдралаа тогтвортой эхлүүлэхэд 27 нас нь “хамгийн тохиромжтой үе” гэж олон хүн үздэг байна.
Энэ нь тухайн насанд сэтгэлзүйн төлөвшил бүрэлдсэн, санхүүгийн суурь тодорхой болсон, биологийн хувьд ч тохиромжтой үе гэж үздэгтэй холбоотой аж.
Гэсэн хэдий ч мэргэжилтнүүдийн зүгээс гэр бүл зохиох “төгс нас” гэж тогтсон стандарт байдаггүйг онцолж байна.
27 нас бол нийгмийн болон биологийн олон хүчин зүйлийн нэгдэх цэг мөн боловч энэ нь "заавал дагах ёстой дүрэм" биш юм. Гэр бүл зохиох хамгийн тохиромжтой үе бол тухайн хүн өөрийгөө таньж мэдсэн, хариуцлага хүлээх чадвартай болсон, мөн хамтын амьдралаа босгох итгэлтэй хамтрагчаа олсон тэр л мөч юм.
Эцсийн дүндээ гэрлэлтийн амжилт нь паспорт дээрх тооноос бус, хоёр хүний харилцан хүндэтгэл, сэтгэл зүйн бэлэн байдлаас хамаардаг байна.
Сэтгэгдэл ачаалж байна...