Энтертайнмент ертөнцөд өнөөдөр хамгийн их яригдаж буй сэдвүүдийн нэг нь Тимоти Шаламе (Timothée Chalamet)–н Golden Globe 2026 шагнал гардуулах ёслол дээрх сэтгэл хөдлөм үгс болон түүний гэр бүл, хайртай хүн Kylie Jenner–д хандан илэрхийлсэн талархал боллоо.
2026 оны 83-р Golden Globe Awards арга хэмжээнд Шаламе Marty Supreme кинондоо Шилдэг хошин эрэгтэй жүжигчний шагнал хүртсэн юм. Тэрбээр тайзан дээр гарч ирсэн даруйдаа хамгийн түрүүнд уран бүтээлчид, найруулагч Жош Сэфди (Josh Safdie) болон кино багийнхандаа талархлаа илэрхийлсэн.
Гэхдээ хамгийн их анхаарал татсан нь түүний гэр бүл, хайртай хүнд чиглэсэн үгс байв. Шаламе тайзнаас ярихдаа эхлээд эцэг эхдээ гүн талархал илэрхийлж, дараа нь “My parents and my partner — I love you so much” (миний эцэг эх, миний хамтрагчд — би та нартаа маш их хайртай)” гэж хэлсэн нь хүмүүсийн сэтгэлийг ихэд хөдөлгөсөн үзэгдэл болсон.
Үүний дараа камерын өмнө Кайли Женнер (Kylie Jenner)-ын инээмсэглэл, сэтгэл хөдлөлтэй харц олон хүмүүсийн сэтгэлийг дахин хөдөлгөсөн юм.
Шаламе болон Женнер хоёр олон нийтийн арга хэмжээнд хамтдаа оролцдог ч хувь хүн талаасаа харилцаагаа их нууцалдаг байсан. Гэсэн ч Шаламе энэ удаад олон нийтийн өмнө “I love you” (Би чамд хайртай) гэж илэн далангүй хэлсэн нь тус хосын харилцааг илүү гүнзгий болгож харуулжээ.
Тэдний харилцаа ойролцоогоор 3 жил үргэлжилж байгаа бөгөөд Шаламе шагнал гардан авах үеэр дахин Женнер-тээ хүндэтгэл үзүүлсэн нь тэдний холбооны бат бөх байдлыг харуулсан үйл явдал болжээ.
Шаламе өөрийн талархлын үгэнд эцэг эх нь түүний амжилтын ард байсан гэж онцолж, уран бүтээл болон амьдралынх нь замд тэдний дэмжлэг, зөвлөгөө их нөлөөтэй байсныг мөн илэрхийлсэн.
Тэрээр тайзан дээрх үгэндээ хошигнол агуулсан хэсэг ч нэмсэн бөгөөд энэ нь үзэгчдэд хөнгөн, эерэг уур амьсгал өгч байлаа.
Сэтгэгдэл ачаалж байна...