Нэрт зохиолч Энди Уэйрийн романаас сэдэвлэсэн шинжлэх ухааны уран сэтгэмжит төрлийн "Project Hail Mary" кино нээлтээ хийсэн хоёр дахь долоо хоногтоо 300 сая ам.доллар давсан орлого олсноор Amazon MGM Studios кино компанийн түүхэн дэх хамгийн өндөр амжилттай уран бүтээл боллоо. Мөн одоогийн байдлаар 2026 онд гарсан уран бүтээлүүдийг орлогоороо тэргүүлж эхлээд байна.
Фил Лорд, Кристофер Миллер нар найруулж, жүжигчин Райан Гослинг гол дүрд нь тоглосон "Project Hail Mary" үзэгчид, шүүмжлэгчдийн таалалд ихээр нийцэж, эхний долоо хоногийнхоо эрчийг хоёр дахь долоо хоногтоо төдийлөн алдаагүй байна. Тодруулбал сүүлийн амралтын өдрүүдээр олсон орлого нь олон улсын хэмжээнд ердөө 3 хувиар буурч, 136.9 сая ам.доллароор хэмжигджээ. Харьцуулбал "The Martian" хоёр дахь долоо хоногтоо орлого нь 41 хувиар, “Interstellar” 21 хувиар тус тус буурч байжээ.
Сэтгэгдэл ачаалж байна...