27 кг жин хассан Меган Трейнор хүмүүсийн шүүмжлэлд хариулжээ: “Би өөрийнхөө хамгийн эрүүл хувилбар болсон”

Дуучин Меган Трейнор эрүүл мэнддээ анхаарч, жин хассаныхаа дараа бусдын сөрөг сэтгэгдэлтэй хэрхэн нүүр тулж буйгаа ярьжээ.

31 настай хит дуучин Entertainment Tonight–д өгсөн ярилцлагадаа: “Би хүүхдүүдээ төрүүлсний дараа эрүүл мэнддээ хамгийн өндөр түвшинд анхаарч эхэлсэн. Би урьд өмнө өөрийгөө хэзээ ч ингэж сайхнаар мэдэрч байгаагүй. Бас би үнэхээр гайхалтай харагдаж байгаа. Гэхдээ яг ийм үед хүмүүс надруу дайрч эхэлдэг” хэмээн хэлжээ.

Mounjaro хэрэглэх болсон шалтгаан: 2025 оны гуравдугаар сард Меган олон нийтэд жин хасах зорилгоор Mounjaro гэх GLP-1 төрлийн эм хэрэглэж байгаагаа ил тод зарласан.Тэрээр хоёр дахь хүүхдээ төрүүлсний дараа хоолны дэглэмээ өөрчилсөн, хоол тэжээлийн мэргэжилтэнтэй ажилласан, хувийн дасгалжуулагчтай болсон бөгөөд эмчилгээ, зөв хооллолт, хөдөлгөөнийг хослуулан эрүүл жинд хүрсэн гэжээ.

Тэр Billboard Women in Music 2025 арга хэмжээнд: “Би хүүхдүүдийнхээ төлөө, өөрийнхөө төлөө илүү эрүүл, илүү хүчтэй байхыг хүссэн. Шинжлэх ухаан (Mounjaro) болон мэргэжлийн багийн тусламж авсандаа сэтгэл хангалуун байна” хэмээжээ.

Шүүмжлэл улам нэмэгдсэн нь түүнийг гайхшруулжээ

Сүүлийн саруудад Меганийг “хэт туранхай”, “танигдахааргүй болсон” гэх мэт шүүмжлэл ихэссэн байна.“Би эрүүл мэнд, фитнестээ анхаарсандаа маш их баяртай байгаа ч хүмүүс гэнэт намайг шүүмжилж эхэлсэн. Ингэж их анхаарал тавьсны дараа бүр дордсон мэт санагдсан. Яг юу болсныг би ойлгохгүй байна” гэв.

“Still Don’t Care” — түүний өөрийгөө хамгаалах дуу

Меган шинэ цомог болох Toy With Me-ны эхний дуу “Still Don’t Care”–ийг танилцуулсан. Энэ дуу шүүмжлэгчдийн эсрэг өөрийгөө хамгаалах нэг төрлийн “эмчилгээ” гэж тэр тодорхойлжээ.“Би энэ дуугаа дуулж эхлэх бүртээ ‘нэг бодъё… үгүй ээ, би үнэхээр тоохгүй байна’ гэж өөртөө хэлдэг. Энэ бол миний эмчилгээ” хэмээн дурдлаа.