Селена Гомез, Аманда Сейфридийн хар даашинз

Селена Гомез болон Аманда Сейфрид нар The Testament of Ann Lee киноны тусгай үзүүлэлт дээр оролцож, классик хар даашинз-ыг өөр өөрийн хэв маягаар дахин амилууллаа. Хоёр одын сонголт нь “хар даашинз” хэзээ ч хуучрахгүй гэдгийг дахин баталсан загварын мөч байв.

Селена Гомезийн сонголт

Селена Гомез асимметрик хүзүүтэй, хар мини даашинз сонгосон нь орчин үеийн минимал хэв маягийг илэрхийлж байлаа. Нэг мөрөнд нарийн оосортой, мөр хэсэг ил гарсан загвар нь энгийн хэрнээ содон харагдуулж, түүний биеийн галбирыг онцолсон юм.

Тэрээр төрхөө хар нэхмэл оймс, үзүүртэй хар өсгийт, минимал гоёл чимэглэлээр бүрдүүлж, Jacob & Co-ийн 18 каратын шар алтан бөгжөөр онцгой акцент нэмсэн байна. Гоо сайхны хувьд үсээ өндөр, цэвэрхэн засаж, байгалийн гялалзсан өнгийн уруул, улаан хумсаар нийт төрхөө тэнцвэржүүлжээ.

Аманда Сейфридийн стиль

Аманда Сейфрид харин Giorgio Armani-ийн бие барьсан, шагай хүртэл урттай хар даашинзыг сонгож, сонгодог дэгжин байдлыг илэрхийлэв. Зузаан оосортой, гүнзгий тайралттай уг загвар нь түүний намбатай, боловсронгуй хэв маягтай төгс зохицсон байлаа.

Тэрээр хар Jimmy Choo өсгийт, нарийн алтлаг бөгж, бугуйвч, алтлаг ороолтоор төрхөө даруухан боловч тансаг байдлаар бүрдүүлсэн бол нүүр будалт нь цэвэрхэн, үсээ сул, зөөлөн долгионтой зассан нь илүү байгалийн мэдрэмж төрүүлжээ.

Селена Гомез болон Аманда Сейфрид нарын хар даашинзтай төрх нь нэг өнгө, хоёр өөр хэв маяг хэрхэн өөр өөр имиж бүрдүүлж болдгийг харууллаа. Нэг нь орчин үеийн минимал шийдлийг, нөгөө нь сонгодог элегансыг илэрхийлж, хар даашинз бол эмэгтэй хүний хувцаслалтын хамгийн хүчтэй, цаг хугацааг давсан сонголт гэдгийг дахин нотолсон юм.